सेन्ट्रोल जोन भलिबलमा राष्ट्रिय महिला टोलीको घोषणा, ३ नयाँ अनुहार समेटिए

काठमाडौं,२६ मंसिर ।
एसियन सिनियर सेन्ट्रल जोन पुरुष तथा महिला भलिबल च्याम्पियनसिपका लागि नेपाली राष्ट्रिय महिला टोलीको घोषणा भएको छ । नेपाल भलिबल संघले बंगलादेशमा आयोजना हुने प्रतियोगिताको लागि आज अरुणा शाहीको कप्तानीमा १२ सदस्यीय टोली घोषणा गरेको हो । बन्द प्रशिक्षणमा रहेका १५ खेलाडीबाट संघले अन्तिम चरणमा १२ खेलाडी समेटिएका छन्। ।
टोलीमा निरुता ठगुन्ना,कविता भट्ट र सरस्वती जैसी पर्न सकेनन्।यता, कामना विष्ट, शान्ती थारू र लक्ष्मी चन्दले पहिलो पटक राष्ट्रिय टोलीमा स्थान बनाएका छन्। यस्तै, कृपा अधिकारी र मनिषा चौधरीले पुनरागमन गरेका छन्। ।
प्रतियोगिता आगामी डिसेम्बर २१ देखि २९ सम्म ढाकामा हुनेछ । नेपाल प्रतियोगिताको साविक विजेता टोली हो । महिला टोली मुख्य प्रशिक्षक जगदिश भट्टको प्रशिक्षणमा रहेको छ ।