एमसीसीबारे सरकारको भूमिका अनुसार आफूहरू प्रस्तुत हुने उपाध्यक्ष पोखरेलको भनाई

काठमाडौं, ०५ पुष ।
एमालेका वरिष्ठ उपाध्यक्ष ईश्वर पोखरेलले मिलेनियम च्यालेञ्ज कर्पोरेशन (एमसीसी) बारे सरकारको भूमिका अनुसार आफूहरू प्रस्तुत हुने बताउनु भएको छ। अनेरास्ववियू महिला विभागले गरेको प्रशिक्षण कार्यक्रमलाई सम्बोधन गर्न काभ्रेका पुगेका पोखरेलले सञ्चारकर्मीसँग कुरा गर्दै यस्तो बताउनु भएको हो । प्रधानमन्त्री शेरबहादुर देउवासमक्ष राखेका आफ्नो सरोकार सम्बोधन नभएकाले सर्वदलीय बैठकमा सहभागी नभएको उहाँले बताउनुभएको थियो ।
त्यस्तै सरकारसँग बहुमत रहेको भन्दै उहाँले हिम्मत भए संसद्मा प्रस्तुत गर्न चुनौती पनि दिनुभएको थियो । अर्को सन्दर्भमा नेता पोखरेलले सभामुखले निष्पक्ष भूमिका नखेलेको, पार्टीले कारबाही गरेका व्यक्ति सांसदकै रुपमा रहेको विषयमा प्रधानमन्त्री समक्ष राखिएको सरोकार सम्बोधन नभएकाले सर्वदलीय बैठकमा सहभागी नभएको उहाँले तर्क गर्नुभएको थियो ।