रेलिगेशन जोनको काडिजसँग रियलको बराबरी

काठमाडौँ, ०५ पुष ।
स्पेनिस ला लिगाको उपाधि यात्रामा ६ अंकको अग्रता बनाएको रियल मड्रिड रेलिगेशन जोनमा रहेको काडिजसँग गोलरहित बराबरीमा रोकिएको छ । आइतबार राति घरेलु मैदान सान्टियागो बेर्नाबेउमा भएको खेलमा रियलले बल पोसेसनमा पकड बनाएपनि गोल गर्न सकेन । आधिकांश समय आफ्नो नियन्त्रणमा खेल राखेको रियलका कप्तान करिम बेन्जेमा, भिनिसिअस जुनियर र इडेन हाजार्ड अग्रपंक्तिमा चुकेका थिए । बराबरीसँगै रियल १८ खेलबाट ४३ अंकसहित शीर्ष स्थानमा यथावत छ । एक खेल कम खेलेका सेभिया ३७ अंकसहित दोस्रो स्थानमा छ । रियललाई रोकेको काडिज भने १४ अंकसहित १९औँ स्थानमा छ । एजेन्सी ।