विष्ट नेपाल महिला संघ डडेल्धुराको अध्यक्ष भएको दाबी

श्रावण १२ । विवादबीच कमला विष्ट नै नेपाल महिला संघ डडेल्धुराको अध्यक्ष भएको दाबी गरेको छ । सामाजिक सञ्जालमा देखिएको विज्ञप्तिले संगठनलाई कमजोर बनाउने, इमान्दार नेता कार्यकर्ताहरुको मनोबल घटाउने र विधि विधानद्वारा निर्वा्चित अध्यक्षलाई निलम्बन गर्ने जस्ता क्रियाकलापले सिंगो पार्टीलाई नै नकारात्मक असर पर्ने कांग्रेस डडेल्धुराको भनाइ छ । नेपाल महिला संघ केन्द्रीय कार्य समितिले अध्यक्ष विष्टलाई संगठनबाट निष्कासन गरेको थियो । नेपाली कांग्रेसको भ्रातृ संस्था महिला संघले शुक्रबार बिष्टलाई विधानको परिच्छेद ६ को धारा २५ (३०) अनुसार साधारण सदस्यसमेत नरहने गरी तीन वर्षका लागि निष्कासन गरेको हो। साथै कांग्रेस डडेल्धुराले नेपाल महिला संघ केन्द्रिय कार्यसमितिले अध्यक्ष विष्टलाई निलम्बन गरेको प्रति घोर आपत्तिसमेत जनाएको छ ।