1 मिनेट 
भक्तपुर, १ चैत । १६ वर्षीया किशोरीलाई बलात्कृत गरेको आरोपमा प्रहरीले २०७८ फागुन ३० गते सिन्धुपाल्चोक इन्द्रावती गाउँपालिका–२ घर भई हाल मध्यपुरथिमि नगरपालिका–६ पुरानो ठिमीमा खाजा घर सञ्चालन गरि बसेका २८ वर्षीय प्रदिप मल्ल ठकुरीलाई सानोठिमीबाट पक्राउ गरेको छ ।
रोजगारीका लागि खाजा घरमा काम गर्न राखेकी पीडित बालिकालाई २०७८ फागुन २९ गते सोही खाजा घर सञ्चालक ठकुरीले राती सुतेको ठाउँमा गई खाजा घरमै बलात्कार गरेको भन्दै आरोपित बिरुद्ध पीडित किशोरीका आफन्तले २०७८ फागुन ३० गते महानगरीय प्रहरी बृत्त थिमिमा उजुरी दिएका थिए ।
भक्तपुर जिल्ला अदालतबाट जबरजस्ती करणी मुद्धामा म्याद थप गरि कारबाही प्रक्रिया अगाडि बढाएको जानकारी दिएको छ । पीडित किशोरीको भक्तपुर अस्पतालमा फागुन ३० गते स्वास्थ्य परीक्षण गरिएको जानकारी दिदै महानगरीय प्रहरी बृत्त थिमिका डिएसपी नरहरि रेग्मीले २०७८ चैत १ गते बलात्कार गरेको अभियोगमा प्रहरीले ठकुरीलाई पक्राउ गरेका जानकारी दिनु भयो ।
