1 मिनेट 
काठमाडौं, २३४ चैत्र ।
अमेरिकाको दक्षिणी मध्य राज्य टेक्सासमा हिजो विमान दुर्घटना हुँदा दुई जनाको मृत्यु भएको छ। संघीय उड्डयन प्रशासनका अनुसार, सेस्ना टि २०६ एच नामक विमान ह्युस्टन कार्यकारी विमानस्थलबाट उडेको थियो र मध्य टेक्सासको वाकोबाट करिब ४८ किलोमिटर पर रहेको मारलिन एयरपोर्टमा हिजो दुर्घटनाग्रस्त भएको थियो । वाको क्षेत्रीय विमानस्थलमा जाँदै गरेको ६ सिटको जहाज मार्लिन विमानस्थलको एकल धावनमार्गको अन्त्यबाट करिब ६४ मिटर टाढा दुर्घटनाग्रस्त भएको ह्युस्टन क्रनिकलको रिपोर्टले मार्लिन सहरका प्रबन्धक सेड्रिक डेभिसलाई उद्धृत गर्दै जनाएको छ।
टेक्सासको सार्वजनिक सुरक्षा विभागका अनुसार दुर्घटनामा एक पुरुष र एक महिलाको मृत्यु भएको छ। दुर्घटनाको कारण पत्ता लगाउन अनुसन्धान भइरहेको छ।
