रुसी सरकारले रुबल मै कारोबार गर्न आदेश दिएपछि सबल बन्दै

काठमाडौँ, ३१ वैशाख ।
युद्धका कारण कमजोर बनेको रुसी रुबल पछिल्लो समयमा सबल बन्दै गएको छ । रुसी सरकारले अरु राष्ट्रलाई रुबल मै कारोबार गर्न आदेश दिएपछि सबल बन्दै आएको हो ।
रुस–युक्रेन युद्धका कारण गत मार्च महिनामा अहिले सम्मकै कमजोर विन्दुमा पुगेको रुबल अहिले यो वर्षको विश्वकै उत्कृष्ट प्रदर्शन गर्ने मुद्रा बनेको छ । फेब्रुअरी महिनामा रुसले युक्रेनमा विशेष सैनिक अप्रेसन सञ्चालन गरेपछि पश्चिमा देशहरुले लगाएका प्रतिबन्धका कारण रुसी रुबल अन्तराष्ट्रिय बजारमा कमजोर भएको थियो ।
मार्च महिनामा १ डलर बराबर १४२।६४ पुगेको रुबल आज १ डलर बराबर ६३ रुबल हुन पुगेको छ । यससँगै रुबल यो वर्षको विश्वकै उत्कृष्ट प्रदर्शन गर्ने मुद्रा बनेको छ । यसैगरी युरो विरुद्ध पनि रुबल बलियो भएको छ । सन् २०१७ यताकै उच्च हुने गरी १ युरो बराबर रुबल ६५।८० रुबल हुन पुगेको छ । एजेन्सी ।