भारतमा पछिल्लो २४ घण्टामा ४ हजार २७० जनामा कोरोना संक्रमण पुष्टि

काठमाडौं,२३ जेठ ।
भारतमा फेरि कोरोना संक्रमण बढ्दै गएको छ । भारतको केन्द्रीय स्वास्थ्य मन्त्रालयले ३४ दिनपछि फेरि संक्रमण बढेर संक्रमितको सख्या १५ भन्दा धेरै पुगेको भारतीय सञ्चार माध्यमले जनाएका छन् । पछिल्लो २४ घण्टामा मात्रै भारतमा ४ हजार २ सय ७० जनालाई संक्रमण भएको पुष्टि भएको छ । जसमा सबैभन्दा धेरै केरला र महाराष्ट्रमा संक्रमण फैलिरहेको हो । महाराष्ट्रमा पछिल्लो २४ घण्टामा मात्रै १ हजार ४ सय ९४ जनालाई संक्रमण भएको पुष्टि भएको छ ।
यस्तै, तमिलनाडु, मुम्बई, दिल्ली र राजस्थानलगायत क्षेत्रमा पनि संक्रमण फैलिन थालेको सञ्चार माध्यमले जनाएका छन् । कोरोना संक्रमण रोकथामका लागि केन्द्रीय स्वास्थ्य मन्त्रालयले खोप अभियानलाई अझै प्रभावकारी बनाउँदै लैजाने जनाएको छ । त्यसका लागि घर घरसम्म नै पुग्ने अभियान सुरु भएको छ । एजेन्सी ।