बालेन्द्र साहलाई साथ दिनुपर्छ, बञ्चरेडाँडाका नागरिकको माग पनि सम्बोधन गर्नुपर्छ : शर्मा

काठमाडौं, ०३ भाद्र ।
नेपाली कांग्रेसका महामन्त्री विश्वप्रकाश शर्माले काठमाण्डौ उपत्यकाको फोहर उठाउन नसक्नु लज्जास्पद रहेको बताउनुभएको छ । आज काठमाण्डौमा आयोजित ुकमरेडको जनैु पुस्तक विमोचन कार्यक्रममा बोल्दै महामन्त्री शर्माले तीन तहको सरकार हुँदा पनि काठमाण्डौको फोहर उठाउन नसक्नु लज्जास्पद कुरा भएको बताउनुभएको हो । यस्तो लज्जित अवस्थाको अन्त्य गर्नुपर्ने उहाँको भनाइ थियो । उहाँले फोहर समस्याको दीर्घकालीन समाधानका लागि सबै राजनीतिक दलले साझा ढङ्गले सोच्नुपर्ने बताउनुभयो । महामन्त्री शर्माले काठमाण्डौ महानगरपालिकाका मेयर बालेन्द्र साहलाई साथ दिनुपर्ने र बञ्चरेडाँडाका नागरिककको मागको पनि सरकारले सम्बोधन गर्नुपर्ने बताउनुभयो । समस्या समाधानका लागि सङ्घ, प्रदेश र पालिका सबै जिम्मवार हुनुपर्ने उहाँले बताउनुभयो ।