0 मिनेट 
काठमाडौं, ०७ भदौ ।
नेकपा एकीकृत समाजवादीका अध्यक्ष माधवकुमार नेपालले चुनावअघि नेकपा माओवादी केन्द्रसँग पार्टी एकता नहुने दाबी गर्नुभएको छ । सञ्चारकर्मीसँग कुरा गर्नुहुँदैै अध्यक्ष नेपालले माओवादीसँग मिलेर जान प्रारम्भिक चरणको छलफल भएको मात्रै बताउनु भएको हो ।
‘अहिले नेकपा माओवादी केन्द्रसँग कसरी मिलेर जान सकिन्छ भन्नेबारेमा प्रारम्भिक चरणको कुराकानी थालेका छौ’, अध्यक्ष नेपालले भन्नुभयो, ‘एकताको कुरा चुनावभन्दा पहिले सम्भव छैन ।’ त्यस्तै अहिले आआफ्नो पार्टी आआफ्नो चुनाव चिह्नको आधारमा चुनाब लड्ने पनि उहाँले बताउनुभयो । ‘अहिले आआफ्नो पार्टी आआफ्नो चुनाव चिह्नको आधारमा चुनाब लडिन्छ’, अध्यक्ष नेपालले बताउनुभयो ।
