0 मिनेट 
काठमाडौं,२६ साउन।
सभामुख देवराज घिमिरेले आज राष्ट्रपति रामचन्द्र पौडेलसँग भेटवार्ता गर्दैछन्।
बिहान ९ बजे राष्ट्रपतिले भेटका लागि बोलाएको सभामुख घिमिरेको सचिवालयले जनाएको छ। राष्ट्रपति पौडेलले हिजो प्रधानमन्त्री पुष्पकमल दाहालसँग पनि भेट गरेका थिए।
भेटमा संसदमा भएको अवरोधको बारेमा चासो राखेका थिए। एमालेको अवरोधका कारण लामो समयदेखि चलेको छैन। गत साउन २ गते पक्राउ परेको एक क्वीन्टल सुन तस्करीमा उच्चस्तरीय छानबिन समिति बनाउनु पर्ने एमालेको माग छ। सरकार भने छानबिन समिति नबनाउने अडानमा छ। दुवैको अडानका कारण संसद चल्न सकेको छैन।
आज राष्ट्रपति पौडेलले सदनको अवरोध हटाउन पहलस्वरुप सभामुखसँग छलफल गर्न लागेका हुन्।
