1 मिनेट 
भक्तपुर, ४ पुस : प्रधानमन्त्री पुष्पकमल दाहालले आज मध्यपुरथिमि नगरपालिका–४ ठिमीमा बस्दै आउनु भएको माओवादी केन्द्रका केन्द्रीय सदस्य एवं पूर्वमन्त्री मातृका यादवसंग भेट गर्नु भएको छ ।
केही साता यता बिरामी परेर उपचारका लागि भोली भारत जाने तयारी गर्नु भएका नेता यादबसंग भेट गरि प्रधानमन्त्री दाहालले यादवको स्वास्थ्य अबस्थाकाबारेमा जानकारी लिनु भएको थियो । मध्यपुरठिमी चारदोबाटोस्थित सुन्दरबस्तीमा बस्दै आउनु भएका नेता यादबको प्रधानमन्त्री दाहालले शिघ्र स्वास्थ्य लाभको कामना गर्नुभएको छ ।
त्यसलगत्तै प्रधानमन्त्री दाहालले सुन्दरबस्तीका बासिन्दा र कार्यकर्तासंग भेट गरि यहाँको अबस्थाकाबारेमा जानकारी लिनुभएको छ ।
मध्यपुरथिमि नगरपालिकाका उपप्रमुख एवं नेकपा माओवादी केन्द्रका मध्यपुरथिमि नगर कमिटीका अध्यक्ष बिजयकृष्ण श्रेष्ठको समन्वयमा उहाँकै निवासका स्थानीइवासी एवं कार्यकर्तासंंग वर्तमान् राजनीतिक अबस्था र यहाँको बिकासकोबारेमा छलफल गरेको श्रेष्ठले जानकारी दिनुभयो ।
नगरपालिकाका उपप्रमुख श्रेष्ठले भन्नुभयो, “प्रधानमन्त्रीसँग यहाँका बासिन्दाको छलफल भयो, प्रधानमन्त्रीले देशको समग्र राजनीतिक विषयकाबारेमा जानकारी गराउनु भयो, मध्यपुरथिमिको बिकासकाबारेमा चासो लिनुभयो, देशको बिकासमा थप प्रतिबद्ध रहेको जानकारी दिनुभयो ।”
