1 मिनेट 
भक्तपुर, २९ पुस । शहीद धर्मभक्त राष्ट्रिय प्रत्यारोपण केन्द्रमा लगाता दुई दिनमा दुई वटा कलेजो प्रत्यारोपण सम्पन्न भएको छ । यही पुस २७ र २८ गते सफलतापूर्वक दुईवटा कलेजो प्रत्यारोपण गरिएको बरिष्ठ मृर्गौला तथा कलेजो प्रत्यारोपण शल्यचिकित्सक डा.पुकार चन्द्र श्रेष्ठले जानकारी दिनुभयो ।
उहाँले केन्द्रले हालसम्म १८ जनाको कलेजो र एक हजार १८१ जनाको मृर्गौला प्रत्यारोपण सम्पन्न भएको बताउनुभयो ।
डा. श्रेष्ठको नेतृत्वमा कलेजो प्रत्यारोपणले नियमितता पाएसँगै २०८० सालमा मात्र १० जनाको कलेजो र १३८ जनाको मृर्गौला प्रत्यारोपण गरी सकेको छ ।
सबै भन्दा जटिल शल्यक्रिया मानिने कलेजो प्रत्यारोपण संसारकै सबैभन्दा सस्तोमा गुणस्तरीय सेवा दिने गरेको यस केन्द्रमा जिवित अंगदाताबाट र मस्तिष्क मृत्यू पश्चातहुने अंगदानबाट समेत प्रत्यारोपण हुने गरेको कुरा केन्द्रका कार्यकारी केन्द्रका निर्देशक डा.पुकार चन्द्र श्रेष्ठले बताउनु भयो ।
