हामीसँग जोडिनुहोस

भक्तपुर नगरपालिकाले उचाल्यो राष्ट्रपति रनिङ्ग शिल्ड, एमाले नेता महेश बस्नेतद्धारा पुरस्कार वितरण (फोटो फिचर)

5 मिनेट
भक्तपुर, २९ पुस । स्वास्थ्यका लागि खेलकुद, राष्ट्रका लागि खेलकुद भन्ने नाराका साथ भक्तपुरमा आज सम्पन्न जिल्लाव्यापी १२ औँ राष्ट्रपति रनिङ्ग शिल्ड प्रतियोगिताको उपाधी भक्तपुर नगरपालिकाले उचालेको छ ।
जिल्ला खेलकुद बिकास समिति भक्तपुरले २७ गतेबाट सुरु गरेको तीनदिने राष्ट्रपति रनिङ्ग शिल्ड प्रतियोगिताको आज भएको समापन खेलमा भक्तपुर नगरपालिकाले गतवर्ष झै यसवर्ष पनि रनिङ्ग शिल्डको विजेता बनेको हो ।
प्रतियोगितामा भक्तपुर नगरपालिकाले ३२ वटा स्वर्ण पदक जित्दै विजेता बन्न सफल भएको हो भने मध्यपुरथिमि नगरपालिकाले १९ वटा स्वर्ण पदक प्राप्त गरेर दोश्रो, नौ वटा स्वर्ण पदक प्राप्त गर्दै सूर्यविनायक नगरपालिका तेश्रो र ७ वटा स्वर्ण पदक प्राप्त गर्दै चाँगुनारायण नगरपालिकाले सान्त्वनामै चित्त बुझाउनु परेको छ ।
त्यसैगरि आज भएको भलिबल खेलमा छात्रतर्फ जनप्रेमी वल्र्ड स्कुल च्याम्पियन बन्यो भने गणेश माध्यमिक विद्यालय दोश्रो र अरनिको माध्यमिक विद्यालय तेश्रो भएको छ भने छात्रातर्फ भएको खेलमा सैनिक आवासिय माध्यमिक विद्यालय च्याम्पियन बन्यो भने ओम माध्यमिक विद्यालय दोश्रो र आदर्श माध्यमिक विद्यालय सानोठिमी तेश्रो भएको छ ।
कूल ६ वटा खेलमा ७५२ जना खेलाडी प्रतिस्पर्धामा रहेको प्रतियोगितामा भलिबल, कबड्डी, उसु, कराते, तेक्वाण्डो र एथलेस्टिक खेलेको प्रतियोगिता भएको थियो । समापन कार्यक्रममा नेकपा एमालेका पोलिव्यूरो सदस्य एवं पूर्वमन्त्री महेश बस्नेतले विजेता तथा उपविजेता, प्रथम, द्धितिय तथा तृतिय र उत्कृष्ट खेलाडीलाई रनिङ्ग शिल्ड, शिल्ड, प्रमाणपत्र तथा मेडल प्रदान गर्नुभयो ।
कार्यक्रममा नेता बस्नेत, जिल्ला समन्वय समिति भक्तपुरका प्रमुख ईश्वर थापाले विगतका केही वर्ष ठेक्का प्रणालीबाट सञ्चालन हुदै आएको प्रतियोगिता विगत दुई वर्षदेखि खे्लाडीलाई प्रोत्साहन दिदै राष्ट्रिय तथा अन्तरांष्ट्रिय खेलाडी उत्पादन गर्ने लक्ष्यसहित प्रतियोगिता हुनु भक्तपुरकै लागि गौरब भएको बताउनुभयो ।
कार्यक्रममा नेपाल भलिबल संघका उपाध्यक्ष गौतमप्रसाद लासिवा, जिल्ला भलिबल संघका अध्यक्ष विनोदचरण रायले भक्तपुरमा खेलकुदमा फड्को मारेको चर्चा गर्नुभयो । त्यस्तै प्याव्सन भक्तपुर जिल्ला अध्यक्ष सुरेन्द्र श्रेष्ठ, नेशनल प्याब्सन भक्तपुरका अध्यक्ष सञ्जय खड्का, नेपाल तेक्वान्डो संघका जिल्ला अध्यक्ष श्याम तजले, भक्तपुर एथलेटिक्स सङ्घका अध्यक्ष आशाराम गोथे लगायतले खेलकुदको महत्वमा थि प्रकाश पानुृभयो ।
जिल्ला खेलकुद विकास समितिका अध्यक्ष एवं कार्यक्रमका सभापति दीपक थापाले विगत दुई वर्षदेखि भक्तपुरको खेल र खेलमैदानको बिकासमा सक्रिय रहेको बताउदै भक्तपुरमा आफ्नै भवन निर्माण, खेल मैदानको निर्माण, कबर्ड हलको निर्माणदेखि स्कुल स्कुल, टोलटोलमा खेलकुदको बिकासमा लागेको बताउनुभयो । भक्तपुर अब सम्पदाको सहर मात्रै नभई खेल र खेलाडीको नामले पनि चिनिन थालेको बताउनुभयो ।

कार्यक्रममा खेलकुदको विकासको बारेमा नेता महेश बस्नेतले यस्तो गर्नु भयो चर्चा :

नेकपा एमालेका केन्द्रीय सदस्य एवम् भक्तपुर क्षेत्र नं. २ का पूर्व सांसद महेश बस्नेतले भक्तपुरमा विकासको काम गर्दा आफूमाथि पानीको बोतल र ढुंगा प्रहार भएको स्मरण गर्नुभयो ।

उहाँले भन्नुभयो, । पूर्व मन्त्री समेत रहेका उनले आफू भक्तपुर क्षेत्र नं. २ मा संघीय सांसद हुँदा बखत भक्तपुरको हरेक क्षेत्रको विकासका लागि आफू लागि परेको उल्लेख गर्दै विकासको काम गर्दा आफूमाथि विभिन्न किसिमले प्रहार भएको बताउनुभयो ।

उहाँले क्तपुरको सूर्यविनायकको चित्तपोलमा अन्तर्राष्ट्रिय रंगशाला बनाउने योजना अघि बढाउने क्रममा स्थलगत अनुगमनमा जाँदा अमूक पार्टीका समर्थक र व्यक्तिहरुबाट मिनरल वाटरको बोतल र ढुंगा प्रहारको प्रयास भएको उल्लेख गर्दै सोही कारण उक्त क्षेत्रमा अन्तर्राष्ट्रिय रंगशाला नबनेको बताए । सोही कारण भक्तपुर अहिले विकासमा पछि परेको बताउँदै उनले सो रंगशाला रोक्नेहरु बेइमान र बदमास भएको बताउनुभयो ।

‘नलिन्चोक मुनिको फाँटमा हामीले जग्गा विकास गरेर करिब २ सय रोपनी जग्गा दिऔं र रंगशाला बनाउन सुरु गरेको थिएँ, तर विडम्बना भक्तपुरका कतिपय राजनीतिक दलहरुले त्यसको विरोध गरे । हामी निरीक्षणमा जाँदा हामीलाई मिनरल वाटरको बोतलदेखि ढुंगाले सम्म हान्ने प्रयत्न पनि गरे । त्यो भकारी मूल भन्ने ठाउँमा हामीले स्मार्ट सिटीको प्लानिङ गरेर २ सय रोपनी जग्गामा इन्टरनेशनल लेभलको रंगशाला बनाउने जुन कुरा थियो, त्यसमा कतार गर्भमेन्टले दिने कुरा सहमति भएको थियो , उहाँले भन्नुभयो,  त्यो कुरा रोकिएको कारणले आज भक्तपुर जिल्ला धेरै कुरामा पछाडि परेको छ । मेरो विरुद्ध नारा लगाउने, मेरो विरुद्ध मिनरल वाटरको बोतल हान्ने र ढुंगा हान्न आउने ती साथीहरुलाई भक्तपुरका तमाम् खेलप्रेमी साथीहरुले आजिवन प्रश्न गर्नुहुनेछ । महेश बस्नेतजीले खेलकुद क्षेत्रमा पुर्याउनु भएको अभियानलाई अवरोध गरेका कारणले समग्र भक्तपुरवासीको चित्त दुखेको छ । यसमा तपाईंहरुले बेइमानी गर्नुभएको छ । बद्मासी गर्नु भएको छ भन्ने कुरा तपाईंहरुले प्रश्न उठाउनु हुनेछ ।

ट्रेण्डिङ

          अमृता अर्याल अस्मिता तामाङ
          रवि खड्का
          ©2024 Design and Developed By: Jamin Rai
          सम्पर्क
          ठेगाना सूर्यबिनायक–८, जगाती भक्तपुर, नेपाल
          यस वेवसाइटमा प्रकाशित कुनै पनि सामग्रीहरू पुनःप्रकाशन वा प्रसारण गर्नुअघि अनुमति लिनुहुन अनुरोध छ ।