1 मिनेट 
भक्तपुर, ४ फागुन । भक्तपुर जिल्ला खेलकुद विकास समितिले यहीँ फागुन १४ गतेदेखि जिल्ला स्तरीय शिन क्योकुशिन फुलकन्ट्याक्ट कराते–२०८० को आयोजना गर्ने भएको छ ।
उक्त कराते प्रतियोगितामा जिल्ला भित्रका डोजो तथा खेलाडीहरुको सहभागिता रहने भक्तपुर जिल्ला खेलकुद विकास समितिका अध्यक्ष दीपक थापाले जानकारी दिनुभयो ।
प्रतियोगितामा पुरुषतर्फ ४० देखि ४५ केजी, ४५ देखि ५० केजी र ५० देखि ५५ केजी तौल समूहका खेलाडीबीच प्रतिस्पर्धा रहने उहाँले जानकारी दिनुभयो ।
त्यसैगरि महिलातर्फ ३५ देखि ४० केजी, ४० देखि ४५ केजी र ४५ देखि ५० केजी तौल समूहका खेलाडीबीच प्रतिस्पर्धा रहने अध्यक्ष थापाले जानकारी दिनुभयो ।
प्रतियोगितामा सहभागिताका लागि प्रतियोगि खेलाडीले कुनै शुल्न तिर्नु नपर्ने र प्रत्येक तौल समूहमा सहभासग डोजोबाट दुईजनासम्म खेलाडीलाई सहभागिता गराइने भएको छ ।
मध्यपुर कराते एकेडेमीको हलमा सञ्चालन हुने खेलमा सहभागिताका लागि सम्बन्धित डोजोको सिफारिस लिएर तोकिएको ढाँचामा फाराम भर्नु पर्नेछ ।
खेलका क्रममा खेलाडी घाइते भएमा प्राथमिक उपचार मात्रै आयोजकले गर्नेछ भने प्रतियोगितामा कुनै विवाद भएमा आयोजकको निर्णयनै अन्तिम हुने भएको छ । भक्तपुर भित्रका खेलाडीले मात्रै सहभागिता जनाउन पाउने उक्त प्रतियोगितामा सहभागिताका लागि प्रतियोगिले यहीँ फागुन १३ गते मध्यान्हसम्म फाराम भरेर दर्ता गरिसक्नु पर्नेछ ।
भक्तपुर जिल्ला खेलकुद विकास समितिले प्रतियोगितामा सहभागिता हुन खेलाडीलाई आव्हान गरेको समितिका अध्यक्ष थापाले जानकारी दिनुभयो ।
