काठमाडौं, २० फागुन । अभिभावक संघ नेपाल केन्द्रीय समितिले चितवन रत्ननगर नगरपालिका–१० स्थित एकता शिशु निकेतनमा कक्षा ८ मा अध्ययनरत सोही विद्यालयको छात्राबासमा बस्ने छात्रा १३ वर्षीया शालिन पोखरेलको शंकास्पद मृत्यु प्रति गम्भिर ध्यानाकर्षण भएको जनाएको छ ।
संघले आज एक बिज्ञप्ती जारी गर्दै घट्नाप्रति दुःख व्यक्त गर्दै घट्नाप्रति सत्यतथ्य छानबिन गरि दोषी उपर कडा कारबाही गर्न माग गरेको छ ।
संघका अध्यक्ष केशव पुरी र महासचिव रामचन्द्र सुवेदीद्धारा हस्ताक्षरित बिज्ञप्तीमा यहीँ फागुन १२ गते छात्राबासमा भएको शालिनकाृ मृत्यु प्रकरणमा छात्राको अभिभावकबाट हत्या भएको भन्दै किटानी जोहरी समेत दिईसकेको अबस्थामा यस घट्नाप्रति निष्पक्ष छानबिन गरि सत्य तथ्य सार्वजनिक गर्न र दोषी उपर कारबाही गर्न संघले जोडदार माग गरेको छ ।
संघका अध्यक्ष पुरीले घट्नाले सिंगो अभिभावकलाई स्तब्ध बनाएको बताउदै यस घट्नाले विद्यालयका छात्राबास, यसको सुरक्षा प्रबन्ध, शिक्षक, छात्राबास, कर्मचारी र स्वयं विद्यालय जिम्मेवार हुनुपर्ने बताउनुभयो ।
यस्ता घट्ना पुनः नदोहोरिने व्यबस्थाका लागि विद्यालयका छात्राबास र यसको प्रबन्धकाबारेमा नियमित अनुगमन गर्न आवश्यक रहेको जनाएको छ । साथै घट्नाको छानबिनलाई असर पार्ने गरि कुनै पनि गतिबिधि एवं बक्त्व्यबाजी नगर्न माग गरेको छ ।