0 मिनेट 
श्रावण २३ । गुल्मीमा एक जना ब्याक्ति मृत फेला परेका छन् । जिल्लाको धुर्कोट गाउँपालिका–६ टिम्मुर खर्क निवासी ४० वर्षीय भोजबहादुर घर्ती मृत फेला परेको जिल्ला प्रहरी कार्यालय गुल्मीका प्रहरी नायब उपरीक्षक (डिएसपी) मिनबहादुर घलेले बताए । घर्ती बुधवार साँझ खेतमा पानी लगाउन गएका थिए । राति अबेरसम्म घरमा नआएपछि परिवार खोज्न जाँदा खेतमा मृत अबस्थामा फेला परेको जिल्ला प्रहरी कार्यालय गुल्मीले जनाएको छ । मृतकको शव पोष्टमार्टमको लागि गुल्मी अस्पताल ल्याइएको छ । घटना बारे थप अनुसन्धान भइरहेको जिल्ला प्रहरी कार्यलय गुल्मीले जनाएको छ ।
