3 मिनेट 
युवा नेता महेश बस्नेतले एमालेका अध्यक्ष केपी शर्मा ओलीको नेतृत्वमा सरकार बनेसँगै भक्तपुरको विकासमा कायापलट हुने दाबी गर्नुभयो ।
उहाँले एमालेको सरकार ढलेसँगै विकासका आयोजनाहरुको बजेट कटौती गरी सम्र्पूण आयोजनाहरु अलपत्र रहेको वर्तमान अबस्थामा अबका दिनमा एमालेकै नेतृत्वमा भक्तपुरको विकासले कायापलट हुने बताउनु भएको हो ।
=============================================================
भक्तपुर, २१ असार । सूर्यबिनायक नगरपालिका‐७ किवाचोकस्थित भिम प्राथामिक बिद्यालयदेखी हात्ति गौडा चोकसम्म र भिमसेन थानदेखि भिम प्राथामिक बिद्यालयसम्मको सडक छेउमा आज बिभिन्न जातका बिरुवा रोपि वृक्षारोपण गरिएको छ ।
संरक्षण प्रकृतिको सुरक्षा सन्न्ततीको भन्ने नाराका साथ किवाचोक युवा क्लबले भक्तपुरको गुण्डुमा आयोजना गरेको बृहत बृक्षारोपण कार्यक्रममा नेकपा एमालेका पोलिटव्युरो सदस्य, पूर्वमन्त्री एवं निवर्तमान सांसद महेश बस्नेतको प्रमुख आतिथ्यतामा बहुवर्षिय असारे फुल, कपुर, करविर, कल्कि फुल, गोल्डेन धुपी, चापँ, तेकोमा, मयुर धुपी, गुल्मोहर, शिरिष प्रजातिका करिब २०० भन्दा बढी बिरुवाहरु रोपेर बृक्षारोपण कार्यक्रम सम्पन्न गरिएको किवाचोक युवा क्लबका अध्यक्ष दिनेश थापाले बताउनुभयो ।
वृक्षारोपणमा असारे फुल २० गोटा, कपुर ५३, करविर २० कल्कि फुल ३२, गोल्डेन धुपी १५, चापँ १५, तेकोमा १५, मयुर धुपी २०, गुल्मोहर १० र शिरिसको ५ वटा विरुवा रोपिएको क्लवका अध्यक्ष दिनेश थापाले जानकारी दिनुभयो ।
विश्वले अहिले झेलिरहेको जलवायु परिवर्तनको समस्या न्युनिकरण तथा बातावरण प्रदुषणका कारण आम मानिस लगायतले भोग्नु परेको समस्या केहि हदसम्म घटाउन सहयोग पुग्ने उद्देश्यले बृक्षारोपण गरिएको बताउदै क्लबका अध्यक्ष थापाले आगामी दिनमा पनि क्लबले टोलटोलका खाली क्षेत्र, सडक किनारा, लगायतका सार्वजनिक क्षेत्रमा वृक्षारोपण गरि हरियाली प्रर्बद्धन गर्ने बताउनु भयो ।
युवा नेता महेश बस्नेतले एमालेका अध्यक्ष केपी शर्मा ओलीको नेतृत्वमा सरकार बनेसँगै भक्तपुरको विकासमा कायापलट हुने दाबी गर्नुभयो ।
उहाँले नेपाली कांग्रेस र एमालेको गठबन्धनको नेतृत्व गर्दै केही समयमा नै अध्यक्ष ओलीको नेतृत्वमा सरकार बन्ने बताउदै विगतमा एमालेले भक्तपुरको विकास र समृद्धिको ऐतिहासिक कार्यहरु गरेको स्मरण गर्नुभयो ।
एमालेको सरकार ढलेसँगै विकासका आयोजनाहरुको बजेट कटौती गरी सम्र्पूण आयोजनाहरु अलपत्र रहेको वर्तमान अबस्थामा अबका दिनमा एमालेकै नेतृत्वमा भक्तपुरको विकासले कायापलट हुने बताउनु भएको हो ।
एमाले अध्यक्ष ओली नेतृत्वमा नयाँ सरकार बनेसँग भक्तपुरका अलपत्र परेका आयोजनाहरु पुनः सुचारु गरिने बताउदै उहाँले वर्तमान जनप्रतिनिधिहरु सुतेका छन् कि उठेका छन्, त्यो त थाहा छैन तर भक्तपुरको विकास र समृद्धिको जिम्मा हामीले लिन्छौँ र सूर्यविनायकका सडक, सामुदायीक भवन, प्राणी उद्यान केन्द्र, स्मार्ट प्लानिङलगायतका महत्वपूणर् कार्यहरु हाम्रो नेतृत्वमा नै सम्पन्न गर्छौ भन्नुभयो ।
एमालेविरुद्ध दधिकोट खानेपानीको निर्वाचनमा अहिले आठ दल लागेर भिडिरहेका छन् तर पनि एमालेको विजय निश्चित छ भन्दै उहाँले जनता एमालेको पक्षमा रहेको दाबी गर्नुभयो । भक्तपुरका जनताको विश्वासलाई नेपालकै नमुना जिल्लाको रुपमा विकास गरेको स्मरण गर्दै नेता बस्नेतले निर्वाचनमा एमाले हारेता पनि हारको मानसिकता नभएको बताउनुभयोे ।
असार १४ गते एमालेले राष्ट्रिय वृक्षरोपण अभियान चलाईरहेको भन्दै उहाँले रोपिएका विरुवाहरु संरक्षणमा ध्यान दिनुपर्नेमा जोड दिनुभयो । राष्ट्रिय युवा संघले ‘एक युवा, पाँच विरुवा’ अभियान चलाईरहेको छन् भन्दै नेता बस्नेतले आगामी दिनमा सडक, चौर तथा जंगललाई बहुआयामिक बनाउँदै लैजानुपर्नेमा ध्यान दिन जरुरी रहेको औंल्याउनुभयो । जंगलमा खानेपानी तथा खाद्य विरुवाहरुलाई रोप्नुपर्ने आवश्यकता रहेको उल्लेख गर्दै उहाँले युवाहरुको पहलमा जंगलभित्र पोखरी निर्माण, सडक सौन्दर्यीकरणसँगै जोखिम न्यूनिकरण, वृक्षारोपणसँगै सडकबक्तिलाई जडान लगायतका कार्यहरुलाई ध्यान दिन क्लवलाई सचे गराउनुभयो ।
कार्यक्रममा सूर्यविनायक नगरपालिकाका प्रवक्ता तथा वडा नं. ७ का वडा अध्यक्ष रविन्द्र सापकोटा, वडा सदस्यहरु उमेश कार्की, गीता पण्डित बस्नेत, सन्तोषी परियार लगायत स्थानीयवासी तथा किवाचोक युवा क्लबको सदस्यहरुको सहभागिता रहेको थियो ।
