धादिङमा ४५ यात्रु सवार बस दुर्घटनाग्रस्त ३ मृतकको सनाखत

काठमाडौं, श्रावण २४ । धादिङको बेनीघाट रोराङ गाउँपालिका–३, सलाङघाटस्थित त्रिशूली नदीमा सर्लाहीको मलंगवाबाट काठमाडौंका लागि छुटेको ना ६ ख ७४६९ नम्बरको ४५ यात्रु सवार रात्रिबस शुक्रबार बिहान ३ः३० बजे दुर्घटना भएको थियो । प्रहरीले दुर्घटनामा परेका १६ को भने उद्धार गरेको छ । जिल्ला प्रहरी कार्यालय, धादिङका अनुसार दुर्घटनामा ज्यान गुमाउनेमा सर्लाही ब्रहम्पुरी गाउँपालिका–४ का राजनारयाण रौनियार, उनकी श्रीमती शोभा रौनियार र भतिजा सौरव रौनियारको खुलेको छ ।