1 मिनेट 
काठमाडाैं, चैत १३ गते ।
राष्ट्रियसभा बैठक प्रतिपक्षी दलहरूको अवरोधका बीच स्थगित भएको छ। उक्त बैठक बिहीबार १२:१५ मा बस्ने भएको छ।प्रमुख प्रतिपक्षी दलहरू नेपाल कम्युनिष्ट पार्टी (माओवादी केन्द्र), राष्ट्रिय स्वतन्त्र पार्टी, राष्ट्रिय प्रजातन्त्र पार्टी र नेकपा (एकीकृत समाजवादी) का सांसदहरूले सरकारले कुलमान घिसिङलाई नेपाल विद्युत् प्राधिकरणको कार्यकारी निर्देशकबाट बर्खास्त गरेकामा त्यसको विरोध जनाएपछि अध्यक्ष नारायणप्रसाद दाहालले बिहीबारसम्मका लागि बैठक स्थगन भएको सदनलाई जानकारी दिए।
आज दिउँसो १:१५ बजे सुरु भएको राष्ट्रियसभाको बैठक प्रतिपक्षी दलका सांसदहरूको अवरोधका बीच १५ मिनेटका लागि स्थगन भएको थियो। पन्ध्र मिनेटका लागि स्थगन भएको उक्त बैठक फेरि समय परिवर्तन गरी आजै ३:४५ बजेका लागि तोकिएको थियो।
उक्त समयमा पनि बैठक बस्न नसकेपछि बिहीबारसम्मका लागि स्थगन गरिएको हो।
