1 मिनेट 
काठमाडौं,१४ जेठ।
विपक्षी दलहरूकाे अवराेधका कारण प्रतिनिधिसभाकाे आजकाे बैठक आधा घण्टाका लागि स्थगित भएकाे छ ।
भिजिट भिसा प्रकरणमा गृहमन्त्री रमेश लेखककाे राजीनामा माग गर्दै विपक्षी दलहरूले उठेर विराेध जनाएपछि सभामुख देवराज घिमिरेले संसद् बैठक आधा घण्टाका लागि स्थगित भएकाे जानकारी गराउनुभएकाे हाे ।
सभामुखले विपक्षी दलका सांसदहरूलाई सदन सञ्चालनका लागि सहयाेग गर्न आग्रह गर्नु भए पनि उनीहरूले मानेनन् । भिजिट भिसा प्रकरणमा गृहमन्त्रीकाे राजीनामा माग्दै विपक्षी दलहरूले हिजाेदेखि संसद्मा अवराेध गर्दै आइरहेका छन् ।
हिजाेकाे बैठकमा पनि विपक्षी दलहरूले अवराेध गरेपछि आधा घण्टाका लागि स्थगित भएको बैठक फेरि पछि सूचना टाँसेर आज बिहान ११ बजेसम्मका लागि स्थगित गरिएको थियो ।
