भक्तपुरलाई अपराध मुक्त जिल्ला बनाउन सामाजिक संघसंस्थाको महत्वपूर्ण भूमिका

भक्तपुर/ भक्तपुरलाई अपराध मुक्त जिल्ला बनाउन सामाजिक संघसंस्थाको महत्वपूर्ण भूमिका रहने सरोकारवाला निकायले बताएका छन् ।
आज भक्तपुरमा गैरसरकारी संस्था महासंघले आयोजना गरेको जिल्लामा घट्न सक्ने सम्भावित अपराध न्यूनिकरणमा सामाजिक संघसंस्थाको भूमिका विषयक अन्तरक्रिया कार्यक्रम सरोकारवाला निकायले यस्तो बताएका हुन् ।
कार्यक्रममा गैरसरकारी संस्था महासंघका केन्द्रीय अध्यक्ष जितराम लामाले गैरसरकारी संस्था र प्रहरीले हातेमालो गरेर अगाडि जान सके अपराधका घट्ना न्यूननिकरण हुने बताउनुभयो । अपराध न्यूनिकरणमा समाजसंगको साझेदारी प्रभावकारी हुने औल्याउदै उहाँले समाज चनाखो बन्न सके अपराधघट्ने बताउनुभयो ।
कार्यक्रममा महानगरीय प्रहरी परिषर भक्तपुरका प्रहरी उपरीक्षक सविन प्रधानले अपराधीलाई उन्मुक्ति दिनेगरि आउने बिभिन्न निकायको दबाबले अपराधीलाई कारबाही गर्न समस्या परेको बताउनुभयो ।

उहाँले जस्तोसुकै दबाब आएपनि ऐन र कानून भन्दा बाहिर नजाने र कोही पनि अपराधी कानूनबाट उन्मुक्ति नपाउने गरि भक्तपुर प्रहरी अगाडि बढेको बताउदै समाज र गैससले अपराध मुक्त भक्तपुर बनाउन सहयोग गर्नुपर्ने बताउनुभयो ।