काठमाडौं २८ श्रावण । नेपाल विद्युत प्राधिकरणले गत आर्थिक वर्षमा ७ अर्ब २० करोड रुपैयाँ नाफा गरेको छ । सिंहदरबारमा भएको पत्रकार सम्मेलनमा ऊर्जा जलश्रोत तथा सिँचाइ मन्त्री वर्षमान पुनले आर्थिक वर्ष २०७५÷०७६ मा ७ अर्ब २० करोड नाफा भएको बताउनुभएको छ । आर्थिक वर्ष २०७४÷७५ मा साढे २ अर्ब मात्र नाफा भएको थियो । यो नतीजा आर्थीक बर्ष २०७४÷०७५ मा भन्दा १४९ प्रतिशतले धेरै हो ।
यस्तै ब्याज र रोयल्टी गरी गएको आर्थिक वर्षमा प्राधिकरणले १५ अर्ब ५९ करोड रुपैयाँ राष्ट्रिय ढुकुटीमा जम्मा गरेको छ । यस्तै चुहावट पनि १५।३२५ मा झरेको छ । यो अघिल्लो वर्ष भन्दा ५।१३ प्रतिशतले कमी हो । आव २०७४÷०७५ मा चुहावट २०।४५५ रहेको थियो ।