1 मिनेट 
पोखरा,२९ श्रावण । पोखराका वडा कार्यालयमा श्रंखलाबद्ध चोरी गर्ने र चोरीको सामान किन्ने पक्राउ परेका छन् । काठमाडौं महानगरपालिका– ११ घर भएका किशोर थापालाई पक्राउ गरी बुधबार कास्की प्रहरीले सार्वजनिक गरेको हो । उनले २०७५ जेठ ३ गते पोखरा–१२, २०७५ माघ नौ गते पोखरा–५, २०७५ फागुन २३ गते पोखरा–१३, २०७५ पुस १ पोखरा–१४, २०७५ चैत १० गते पोखरा–१६, २०७५ पुस १६ गते पोखरा–२९, २०७६ असार १३ गते पोखरा–२५, २०७६ जेठ ६ गते पोखरा– ३१, २०७६ साउन २० गते पोखरा–६ नम्बर वडा कार्यालय फुटाएर कम्प्यूटरहरु चोरेका थिए । कास्की प्रहरी प्रमुख दानबहादुर कार्र्कीले थापाले चोरेका वडा कार्यालयहरुको कम्प्यूटर किन्ने रुपचन्द्र गोपालीलाई पनि नियन्त्रणमा लिएको जानकारी दिनुभएको छ । काठमाडौंको कलंकीमा कम्प्युटर मर्मत पसल चलाएका उनले चोरीको सामान मात्र किनबेच गर्दै आएको प्रहरीले जनाएको छ ।
