1 मिनेट 
भक्तपुर, श्रावण २९ । भक्तपुर नगरपालिका अनुगमन समितिले आज बिभिन्न मिनिमार्टहरुको अनुगमन गरि अनियमित गर्नेलाई कारबाही गरेको छ ।
अनुगमनमा अजिमा स्टोर मार्केटमा थुप्रै म्याद नाघेको सामानहरु बटर क्रेकर बिस्कुट, सुन्तला सुगन्ध, मेथिको अचार, पेप्सी, करेला अचार, डाबर आलमण्ड हेयर तेल, डर्मिकुल, नाइसिल, बटरबाइट बिस्कुट, मारि बिस्कुट प्रसष्ट भेटिएको भेटिएकोले केहि त्यस्ता सामाग्री जफत गरी नष्ट गरिएको छ ।
साथै ढक तराजू नविकरण गर्नु पर्ने, प्याकेजिड्ड सामानमा लेबल राख्नु पर्ने, सरसफाइ अपुग भई धेरै सामानहरु मुसाले काटेको र फोहर देखिएको, मिनि मार्ट व्यवस्थित नभएको व्यवस्थित गर्न सुझाब दिएको छ ।
त्यस्तै न्यु नःपुखु मिनि मार्टमा म्याद नाघेको सामानहरु स्प्राईट चार वटा, ड्यु दुई वटा, पेप्सि दुई वटा, फाण्टा एक लिटरको चार वटा, हाप लिटरको छ वटा, ब्लान्डेड सिसेमसिल सात वटा, क्रेकर विस्कुट तेह« पाकेट भेटिएकोे नष्ट गराई ढक तराजू नविकरण गर्नु पर्ने, पाकेजिड्ड सामानमा लेबल राख्नु पर्ने सुझाब सहित कार्यलयमा उपस्थित हुन निर्देशन अनुसार श्रावण २९ गते हाजिर हुन आएपछि पहिलो पटकलाई एक हजार रुपैंया जरिवाना गरी पठाएको वडा निरिक्षक रामकृष्ण प्रजापतिले बताउनु भयो ।
