1 मिनेट 
जनकपुर, श्रावण ३० । २ नम्बर प्रदेश सरकारले ‘सुशासन र समृद्धि’को नारा दोहोराउने गरेपनि अख्तियार दुरुपयोग अनुसन्धान आयोगमा परेका भ्रष्टाचारका उजुरी हेर्दा सुशासनको नारा ‘नारा’मै सिमित छ । यद्धपि प्रहरी, निजामति कर्मचारी र जनप्रतिनिधिहरु नै भ्रष्टाचारमा संलग्न भएको आरोपमा रङ्गेहात पक्राउ पर्नुले भ्रष्टाचारको जरा फैलिएको छ भन्ने सहजै अनुमान लगाउन सकिन्छ ।
आर्थिक वर्ष २०७५ र ०७६ मा २ नम्बर प्रदेशमा ३ हजारभन्दा बढी उजुरी परेका छन् ।जसमा सामान्य प्रशासनतर्फ धेरै उजुरी परेको छ ।
अख्तियारले २ हजार ९४ उजुरीहरु मध्ये ७ सय ९२ उजुरी मात्रै फर्छ्यौट गर्न सकेको छ । स्टिङ अपरेशनमा जनप्रतिनिधि पनि परेका छन । जसले गर्दा प्रदेश २ अन्तर्गतका बारा, पर्सा र सप्तरीमा मन्त्रालयमार्फत् भएका काम कारवाहीसम्बन्धी उजुरी आउँदा समस्या पर्ने गरेको एक कर्मचारीले बताए ।
आर्थिक वर्ष ०७५ र ०७६मा महोत्तरीस्थित गुठी संस्थान शाखा कार्यालय महोत्तरीका असुलीसहायक जयकुमार राउत शर्मा ३५ हजार रुपैयाँ, नापी कार्यालय, २ नम्बर नापी धनुषा कर्मचारी जयगोजिन्द यादव १५ हजार रुपैयाँ, ईलाका प्रहरी कार्यालय रामगोपालपुर महोत्तरीका प्रहरी नायब निरीक्षक रामबाबु प्रसाद यादव घुससहित पक्राउ परेका हुन् ।
अख्तियारले विभिन्न ठाउँबाट पक्राउ परेकाहरुसँग ६५ लाख ५ हजार रुपैयाँ घुस रकम बरामद गरेको छ ।
