डडेल्धुरामा जीप दुर्घटना : १ जनाको ज्यान गयो

११ भदौ २०७६ डडेल्धुरा । डडेल्धुराको भागेश्वर गाउँपालिकामा जीप दुर्घटना हुँदा एक जनाको घटनास्थ्लमै ज्यान गएको छ । बुधबार बीहान १० बजे गाउँपालिकाको वडा नं ४ सेराडामा म १ ज २१० नम्बरको जीप दुर्घटना भएको हो । डडेल्धुराको देवल दीब्यपूर बाट जिल्ला सदरमुकाम आउँदै गरेको जीप दुघृटना भएको हो । मृत्यु हुनेमा बैतडीको पाटन नगरपालिका वडा नं ७ का ६५ बर्षिय मानमती चन्द रहेको जिल्ला प्रहरी कार्यालय डडेल्धुराले जनाएको छ ।
दुर्घटनामा ३ जना सामान्य घाइते भएका र उनीहरुको स्वास्थ्य अवस्था सामान्य रहेको प्रहरीले जनाएको छ । घाइते तीनै जनालाई उपचारका लागि डडेल्धुरा अस्पताल ल्याईएको प्रहरी नायब उपरीक्षक दधिराम न्यौपानेले जानकारी दिनुभएको छ । जीपमा १५– १६ जना यात्रु सवार रहेको अनुमान रहेको र जीप चालक जयराज भट्ट फरार रहेको प्रहरीले जनाएको छ ।