खटबाट खस्दा एकको मृत्यु, एक गम्भिर घाईते

२१ भाद्र २०७६ । भक्तपुर नगरपालिका ७ ग्वाछे टोलमा गणेश सुवालको चारतल्ले पक्की घरको तेस्रो तल्ला बाहिर प्लाष्टर गर्ने क्रममा बाँसको खटबाट खस्दा एकजनाको मृत्यु भएको छ ।
बाँसको खट भाचिदा खसेर दुईजना घाईते भएको र घाईते मध्ये भारत घर भई हाल काभ्रे जिल्ला बनेपा बस्ने ५० वर्षीय राजु अन्सारीको मृत्यु भएको महानगरीय प्रहरी परिषर भक्तपुरका प्रहरी नायब उपरीक्षक रेवती रमण पोखरेलले जानकारी दिनुभयो ।
अर्का घाईते भारत घरभई काभ्रे बनेपामा नै बस्ने १८ वर्षीय सहजात अन्सारीको ट्रमा सेन्टर काठमाण्डौ रिफर भएको र अवस्था गम्भिर रहेको उहाँले जानकारी दिनुभयो ।