अज्ञात समूहद्वारा गाउँपालिकाको गाडीमा आगजनी

२९ भाद्र २०७६, सल्यान । सल्यानको सिद्ध कुमाख गाउँपालिकाको गाडीमा अज्ञात समूहले आगजनी गरेको छ । गाउँपालिका कार्यालयमा पार्किङ गरी राखिएको रा १ झ १७० नम्बरको गाडीमा अज्ञात समूहले हीजो (शनीबार ) राति आगजनी गरेको हो । आगजनीबाट गाडीको अगाडीको भाग पूर्णरूपमा जलेको जिल्ला प्रहरी कार्यालय सल्यानका प्रहरी प्रमुख ढकेन्द्र खतिवडाले बताउनुभयो । घटनाको अहिलेसम्म कसैले जिम्मा नलिएको र कुनै शंकास्पद वस्तु पनि नभेटिएको उहाँको भनाइ छ । गाउँपालिकामा जडान गरिएको सिसिक्यामेराको फुटेज हेर्ने कार्य भइरहेको र अनुसन्धान भइरहेको खतिवडाले बताउनुभएको छ ।