1 मिनेट 
https://www.youtube.com/watch?v=XrDcnQMHJOY&feature=youtu.be
नेपाल कम्युनिस्ट पार्टी (नेकपा)का अध्यक्ष पुष्पकमल दाहालले नेपालका कम्युनिष्टहरु कम्युनिष्टजस्ता नभएको बताउनुभएको छ ।
तत्कालीन नेकपा एमालेकी नेतृ सहाना प्रधानको पाँचौँ स्मृति दिवसका सन्दर्भमा आज पार्टी कार्यालय धुम्वाराहीमा आयोजित कार्यक्रममा उहाले विचार र सिद्धान्तका हिसाबले कम्युनिष्ट कमजोर बन्दै गइरहेको बताउनुभयो । प्रचण्डले कम्युनिष्टहरु आदर्श र निष्ठाबाट बिचलित हुँदै गएकाले नेपालका कम्युनिष्टहरु कम्युनिष्टजस्तो नभएको प्रष्ट पार्नुभयो । आफूले बोलेका कुराले दोहोरो अर्थ लाग्नेगरी चर्चा भए पनि आफुले बोल्ने कुरा सत्य नै हुने उहाको भनाइ थियो । उहाले पछिल्लो समयमा कम्युनिस्ट पार्टी र अन्य पार्टी छुट्याउनका लागि जनतालाई गाह्रो पर्ने अवस्था आएको धारणा राख्नुभयो । प्रचण्डले जनताको चाहनाअनुसार काम गर्न नसकेको पनि स्वीकार गर्नुभयो। दुई ठूला कम्युनिस्ट पार्टी एकतावद्ध भएपछि पनि कम्युनिष्ट पार्टीले गति लिन नसकेको भन्दै त्यसका लागि नेतृत्वकै कमजोरी रहेको उहाको भनाई छ । अध्यक्ष प्रचण्डले गुटैगुट बनाएर आपसमा लड्न पार्टी एकता नगरेको पनि जिकिर गर्नुभयो ।
कार्यक्रममा वरिष्ठ नेता झलनाथ खनालले मुलुक नयाँ युगमा प्रवेश गरेको भन्दै समाजवादभन्दा अन्य विकल्प नभएको बताउनुभयो । सहानाका छोरा उमेश श्रेष्ठले बर्षमा एक दिन गरिने सरकारी श्राद्धले साहना प्रधानको सपना पुरा नहुने बताउनुभयो ।
