विश्वविद्यालयको परीक्षामा सहभागी हुने काठमाडौंका परीक्षार्थीहरूलाई आजदेखि कोभिड–१९ विरुद्धको खोप दिइने

काठमाडौं, २८ साउन ।
विश्वविद्यालयको परीक्षामा सहभागी हुने काठमाडौंका परीक्षार्थीहरूलाई आजदेखि कोभिड–१९ विरुद्धको खोप दिइने छ । जिल्ला स्वास्थ्य कार्यालय काठमाडौंले पाँचवटा केन्द्र तोकेर अस्ट्राजेनिका खोप दिन लागेको जनाइएको छ । परीक्षार्थीलाई खोप लगाउनका लागि बलम्बुस्थित सशस्त्र प्रहरी अस्पताल, छाउनीस्थित नेपाली सेनाको अस्पताल, महाराजगन्जस्थित नेपाल प्रहरीको अस्पताल, मीनभवनस्थित निजामती अस्पताल र सामाखुसीस्थित राधास्वामी आइसोलेसन सेन्टरलाई खोप केन्द्र तोकिएको हो । एजेन्सि ।