1 मिनेट 
काठमाडौँ, २९ साउन ।
पछिल्लो २४ घण्टामा विश्वभर थप ६ लाख ८४ हजार ९ सय ३४ जनामा कोरोना भाइरस संक्रमण पुष्टि भएको जनाइएको छ । योसँगै विश्वमा कोरोना भाइरस संक्रमितको कुल संख्या २० करोड ६१ लाख ५६हजार ५ सय ३३ पुगेको सञ्चार माध्यमले जनाइएको छ । वल्डोमिटर्सका अनुसार पछिल्लो २४ घण्टामा सबैभन्दा बढी अमेरिकामा १ लाख १९ हजार ५ सय ४६ जना संक्रमित थपिएका उल्लेख गरेको छ । सोही अवधिमा भारतमा ४० हजार ७८,इरानमा ३९ हजार ४९ र ब्राजिलमा ३५ हजार ८ सय ९१ जना थपिएको तथ्याङ्कमा उल्लेख गरेको छ ।
यस्तै, पछिल्लो २४ घण्टामा कोरोना संक्रमणका कारण विश्वमा १० हजार २ सय ४१ जनाको मृत्यु भएको जनाइएको छ । योसँगै विश्वमा कोरोनाका कारण मृत्यु हुनेको कुल संख्या ४३ लाख ४६ हजार ६ सय ७८ पुगेको तथ्याङ्कमा उल्लेख छ । एजेन्सि ।
