नेपाली सेनाले लगाए कोरोना खोपको दुवै डोज

काठमाडौं, ०९ भदौ ।
नेपाली सेनामा हालसम्म ५७ हजार जनाले कोरोना भाइरस विरुद्धको खोपको दुवै डोज लगाइसकेको जनाइएको छ । कोरोना खोपको पहिलो डोज मात्र लगाउने सेनाको संख्या ७१ हजार रहेको नेपाली सेनाका प्रवक्ता सहायक रथी सन्तोष बल्लभ पौडेलले जानकारी दिनुभयो । कोरोना भाइरस रोकथाम तथा नियन्त्रणमा अग्रपंक्तिमा खटिएको नेपाली सेनाका ६ हजार ९ सय ८० जनालाई हालसम्म कोरोना संक्रमण भइसकेको जनाइएको छ । कोरोना संक्रमण भएका नेपाली सेनाका जवानहरूमध्ये ६ हजार ८ सय ३२ जना निको भइसकेका जनाइएको छ । हालसम्म कोरोना संक्रमणका कारण १० जना नेपाली सेनाको मृत्यु भएको प्रवक्ता पौडेलले बताउनु भयो । हाल सेनामा सक्रिय संक्रमितको संख्या १ सय ३८ रहेको जनाइएको छ । एजेन्सि ।