1 मिनेट 
काठमाडौँ,१० भदौ ।
पार्टीको आन्तरिक विवाद र समीकरण बदलिएपछि प्रदेश १ का मुख्य मन्त्री शेरधन राईले राजीनामा दिनलागेको जनाइएको छ । पार्टीको केन्द्रीय कमिटीमा भाग लिन काठमाडौंमा रहेका मुख्यमन्त्री राई लगायतका सांसदहरु आज विहान प्रदेश फर्किन लागेको जनाइएको छ । आज विहान ११ बस्ने संसदीय दलको नेता र मुख्यमन्त्री पदबाट राजीनामा गरेर एमाले सचिव भीम आचार्यलाई दलको नेता र मुख्य मन्त्री नियुक्त गर्ने तयारी भएको जनाइएको छ । यसका लागि हिजो राति अबेरसम्म मुख्यमन्त्री राई, एमाले प्रदेश १ का अध्यक्ष देवराज घिमिरेले अध्यक्ष केपी शर्मा ओलीसँग छलफल गरेको जनाइएको छ । ओलीसँगको छलफलमा राईले नै आचार्यलाई मुख्यमन्त्रीमा प्रस्ताव गरिएको जनाइएको छ ।
आज विहान ११ बजे संसदीय दलको बैठकले आचार्यलाई दलका नेता चयन गर्ने र लगत्तै राईले राजीनामा गरेर आचार्यलाई नियुक्त गर्न प्रदेश प्रमुख कहाँ आवेदन गर्ने तयारी भएको जनाइएको छ । मुख्यमन्त्री नियुक्त भएपछि आजै तीन बजे आचार्यको शपथ ग्रहणको तयारी गरिएको प्रदेश प्रमुख कार्यालय स्रोतले जनाएको छ । एजेन्सि ।
