गिरीराज थापाको हत्या गरेको अभियोगमा खोटाङबाट दुईजना पक्राउ

काठमाडौँ,१० भदौ ।
हत्या गरेको अभियोगमा खोटाङबाट दुईजना पक्राउ परेका छन्। । खोटाङको दिक्तेल रुपाकोट मझुवागढी नगरपालिका ३ काँडे बस्ने ३३ वर्षीय गिरीराज थापाको हत्या गरेको अभियोगमा दुईजनालाई हिजो राति प्रहरीले पक्राउ गरेको जनाइएको छ ।
पक्राउ पर्नेहरूमा सोही ठाउँ बस्ने मृतककै भाइ २२ वर्षीय नारायण थापा र १३ वर्षीय किशोर रहेको प्रहरीले जनाएको छ । गिरीराज हिजो दिउँसो घरबाट निस्की हिँडेकोमा अबेरसम्म घर फर्की नआए पश्चात खोजी गर्ने क्रममा घरबाट करिब २ सय मिटर टाढा बारीमा मृत अवस्थामा फेला परेको जानकारी प्राप्त हुनासाथ जिल्ला प्रहरी कार्यालयबाट प्रहरी खटिएको जनाइएको छ । प्रहरी टोलीले अनुसन्धान गर्दा गिरीराजलाई डोरीले घाँटी कसी हत्या गरेको खुल्न आएपछि घटनामा संलग्नलाई पक्राउ गरिएको जनाइएको छ । घटनाबारे प्रहरीले आवश्यक अनुसन्धान गरिरहेको जनाइएको छ । एजेन्सि