पदीय स्वार्थ र अंहकार नयाँ पार्टी दर्ताको तहसम्म पुगेको ओलीको दावी

काठमाडौँ, १० भदौ ।
नेकपा एमालेका अध्यक्ष केपी शर्मा ओलीले पदीय स्वार्थ र अहंकारका कारण पार्टी विभाजनको तहसम्म पुगेको बताउनुभएको छ । ललितपुरस्थित तुल्सीलाल अमात्य स्मृति भवनमा जारी केन्द्रीय कमिटी बैठकलाई सम्बोधन गर्ने क्रममा ओलीले यस्तो बताउनुभएको हो । एकीकृत समाजवादी पार्टीका अध्यक्ष माधवकुमार नेपालको कदमतर्फ संकेत गर्दै ओलीले ‘सामान्य अवस्थामा पार्टी अगाडि बढिरहेको बेला केहीको स्वार्थ र अंहकारवश नयाँ पार्टी दर्ता गर्ने तहसम्म पुग्नुभयो। उहाँहरू आन्दोलन र पार्टीलाई कमजोर बनाउन लागिराख्नुभएको बताउनुभयो । पार्टीभित्रको विवादकै कारण पार्टीको अहिले भूमिका फेरिएको ओलीले बताउनुभयो ।