बागमती प्रदेशको ४ जिल्लामा आज नेपाली काँग्रेसको वडा अधिवेशन हुँदै

काठमाडौँ, २१ भदौ ।
बागमती प्रदेशको ४ जिल्लामा आज नेपाली काँग्रेसको वडा अधिवेशन हुँदैछ । प्रदेशको ललितपुर, नुवाकोट, धादिङ र चितवनमा काँग्रेसले वडा अधिवेशन गर्न लागेको हो । ६ वटा स्थानीय तह रहेको ललितपुरमा काँग्रेसको वडा अधिवेशनको रौनक छाएको नेता रामकृष्ण चित्रकारले बताउनुभयो । ६ वटा स्थानीय तहका ७१ वटै वडा एकैसाथ सुरु भएको कांग्रेसको वडा अधिवेशनले कार्यकर्ताहरूमा उत्साह थपेको उहाँले बताउनुभयो । ५र५ हजार पुराना र नयाँ गरी कुल १० हजार क्रियाशिल सदस्य रहेको ललितपुरका सबै वडाहरूमा सर्वसम्मत रुपमा सहमती गरेर नेतृत्व चयन गर्ने प्रयास भइरहेको उहाँको भनाई छ । आजको अधिवेशनबाट प्रति वडा न्युनतम १६ र अधिकतम ३६ जना प्रतिनिधिलाई नेतृत्वमा चयन गर्ने उहाँले बताउनुभयो । नुवाकोटको सबै स्थानीय तहको वडाहरूमा अधिवेशनको लागि मतदान अधिकृत खटाइसकेको छ । जिल्लाका १२ वटा स्थानीय तहका ८८ वटा स्थानीय तहमा आज बिहानैदेखि अधिवेशनको रौनक छाएको नेपाली काँग्रेस नुवाकोटका सभापति जगदीश्वर नरसिंह केसीले बताउनुभयो ।