समय समाज, वर्ष १४, अकं ३१, भदौ २१, २०७८ सोमबार

डब्लुएचओ क्षेत्रीय बैठक काठमाडौंमा सुरु, प्रधानमन्त्री देउवादेखि महानिर्देशक टेड्रोसले सम्बोधन गरे काठमाडौँ, २१ भदौ । विश्व स्वास्थ्य संगठन डब्लुएचओ दक्षिणपूर्वी एसियाको ७४ औं बैठक आजदेखि काठमाडौंमा सुरु भएको छ । भर्चुअलरुपमा सुरु भएको बैठकलाई प्रधानमन्त्री शेरबहादुर देउवादेखि डब्लुएचओ महानिर्देशक डा। टेड्रोस आधानोम घेब्रेससले सम्बोधन गर्नुभएको छ । सम्बोधनमा स्वास्थ्य नेताहरुले बलियो स्वास्थ्य प्रणाली निर्माण र विश्व्यापी स्वास्थ्यमा पहुँचका लागि बृहत प्रतिबद्धताको आह्वान गर्नुभएको छ । बैठक शुभारम्भ गर्दै प्रधानमन्त्री देउवाले मानवताको लागि खोप, औषधीय सामाग्री र प्रविधिमा समान पहँुचको लागि आग्रह गर्नुभएको छ । सबैको लागि स्वास्थ्यमा पहुँच जरुरी भएको उहाँले बताउनुभएको छ ।