भेरी अस्पतालमा दुईजना कोभिड संक्रमितको मृत्यु

काठमाडौं,२२ भदौ ।
नेपालगञ्जको भेरी अस्पतालमा दुई जना कोरोना संक्रमितको मृत्यु भएको छ । जिल्ला कोभिड संकट व्यवस्थापन केन्द्र, बाँकेका फोकलपर्सन तेजबहादुर वलीका अनुसार, सल्यान र दाङका कोरोना संक्रमितको उपचारको क्रममा मृत्यु भएको जनकारी दिनुभयो । सल्यान दार्मा गाउँपालिका वडा नम्बर ६ की ३० वर्षीया महिलाको राति साढे १ बजे मृत्यु भएको जनाइएको छ । असार १७ गते भेरी अस्पतालमा भर्ना गरिएका उनको भोलिपल्ट पीसीआर परीक्षण गरिएको थियो । लामो समयसम्म उपचारमा रहेकी महिलाको मृत्यु भएको जनाइएको छ । यस्तै दाङको शान्तिनगर गाउँपालिका वडा नम्बर १ की ५८ वर्षीया महिलाको पनि मृत्यु भएको जनाइएको छ । भदौ ४ गते पीसीआर गरेर त्यही दिन भेरीमा भर्ना गरिएको थियो ।