खोलाले बगाएको जिप क्षतविक्षत अवस्थामा भेटियो

काठमाडौैँ, ०५ कात्तिक ।
गुल्मीमा कात्तिक १ गते डहरे खोला तर्ने क्रममा बाढीले बगाएको जिप फेला परेको छ । बुटवलबाट वामी तर्फ आउँदै गरेको लु १ ज ३४३२ नम्बरको बोलेरो जिप जिल्लाको सत्यवती गाउँपालिका वडा नम्बर–६ डहरे खोला तर्ने क्रममा बगेर बेपत्ता भएको थियो । बगेको स्थानबाट ८ सय मिटर तल क्षतविक्षेत अवस्थामा हिजो जिप फेला परेको स्थानीय ज्ञानहरी सापकोटाले बताउनुभयो । जिपमा चालक सहित ९ जना यात्रुहरु रहेका थिए ।