भक्तपुरमा गाडीको ठक्करबाट एक बालिकाको मृत्यू

भक्तपुर, ३ पुष । भक्तपुरमा ईटाभट्टामा सञ्चालित गाडीको ठक्करबाट एक बालिकाको मृत्यू भएको छ । सूर्यविनायक नगरपालिकामा – ८ मा रहेको महेश्वरी ईटाभट्टामा काम गर्दै आएका चमार सिंह लामाको दुई वर्षीय छोरी मुस्कान लामाको हिजो दिउसो करिब २ बजे गाडीले ठक्कर दिदा मृत्यू भएको जानकारी दिइएको छ । बा २ क, १४१ नम्बरको साही ईटाभट्टाको मालबाहक निशान गाडीले भट्टामा खेलीरहेकी बालिकालाई ठक्कर घटनास्थल मै मृत्यु भएको प्रहरीले जनाएको छ । ठक्कर दिने चालक काभ्रे घर भई हाल सोही ईटाभट्टामा कार्यरत राज लामालाई नियन्त्रणमा लिई दुर्घटनाबारे थप अनुसन्धान भइरहेको प्रहरीले जनाएको छ । ईटाभट्टा सञ्चालकले घटनाबारे व्यवास्ता र लापरवाही गरेको मृतकका आफन्त तिर्थमान लामाको गुनासो रहेको छ । उचित क्षतिपूर्ती दिनुपर्ने माग पिडितपक्षको रहेको छ ।