माघ १६ गतेपछि ५ दिनलाई विद्यालय खुलाइने

काठमाडौं, ०५ माघ ।
सरकारले खोप अभियान सञ्चालनका लागि माघ १६ गतेदेखि विद्यालय खोल्न निर्णय गरेको छ। गृहमन्त्री बालकृष्ण खाँणको संयोजकत्वमा मंगलबार बसेको कोभिड–१९ संकट व्यवस्थापन समन्वय केन्द्र (सीसीएमसी) को बैठकले विद्यालयमा खोप अभियोन सञ्चालन गर्ने निर्णय गरेको हो। बैठकपछि गृह मन्त्रालयका विपद् व्यवस्थापन महाशाखा प्रमुख प्रदीप कोइरालाले खोप अभियान सञ्चालनका लागि माघ १६ गतेबाट छ दिन विद्यालय खुल्ने बताए। सीसीएमसी निर्देशक समितिको सिफारिसमा शिक्षा मन्त्रालयले माघ १५ गतेसम्म विद्यालय बन्दको निर्णय यसअघि गरिसकेको छ। यस्तै, बैठकले माघ ७ पछि सार्वजनिक स्थलमा खोप कार्डलाई अनिवार्य गर्ने निर्णय पनि गरेको छ। यसअघिको निर्देशक समितिको सिफारिस अनुसार सो निर्णय भएको छ।