अब पशुपतिनाथ मन्दिर भक्तजनका लागि बन्द

काठमाडौं, ०५ माघ ।
कोरोना संक्रमण बढ्दै गएपछि पशुपतिनाथ मन्दिरमा नित्यपूजा बाहेकका सम्पूर्ण काम बन्द गरिएको छ । गए रातिबाट लागू हुनेगरि पशुपतिनाथ, गुह्येश्वरी लगायत पशुपति क्षेत्रका सबै मठमन्दिरहरुमा परम्परागत नित्यपूजा बाहेकका काम बन्द गरिएको पशुपति क्षेत्र विकास कोषले जानकारी दिनुभएको हो । कोषले एक सूचना जारी गर्दै जिल्ला प्रशासन कार्यालयको आदेश अनुसार अर्को सूचना जारी नभएसम्म नित्य पूजा मात्रै हुने बताएको छ ।