नुवाकोटमा बम विस्फोट, रौतहटमा आगजनी

श्रावण १५, काठमाडौं । रौतहट र नुवाकोटको वडा कार्यालयमा गएराति अज्ञात समूहले बम विस्फोट गरेको छ। तहटको चन्दपुर नगरपालिकाको गैंडाटारमा रहेको वडा कार्यालयमा गएराति १ बजे तिर अज्ञात समूहले आगजनी गरेको जनाइएको छ। आगजनीबाट कार्यालयका फर्निचर, कम्प्युटर, प्रिन्टरलगायतका सामान जलेर नष्ट भएका छन्।

त्यसैगरी, नुवाकोटको ककनी गाउँपालिका–१ को वडा कार्यालयमा पनि अज्ञात समूहले गएराति बम विस्फोट गराएको छ। विस्फोटबाट वडा कार्यालयका महत्त्वपूर्ण उपकरण तथा कागजपत्र जलेको जनाइएको छ । बम विस्फोटमा विप्लव समूह संलग्न रहेको अनुमान गरिए पनि यो समूहले अहिलेसम्म यसको जिम्मा लिएको छैन । यसबारे प्रहरीले घटनाबारे थप अनुसन्धान भइरहेको जनाएको छ ।