खोकीको औषधि खाँदा क्रिकेटर शा निलम्बनमा

१५ श्रावण, काठमाडौं । भारतका क्रिकेटर पृथ्वी शा अनजानमा प्रतिबन्धित पदार्थ सेवन गरेका कारण आठ महिनाका लागि निलम्बनमा परेका छन् । भारतीय क्रिकेट कन्ट्रोल बोर्ड (बीसीसीआई)का अनुसार ‘शाले २२ फेब्रअरी २०१९ मा इन्दौरमा सैयद मुस्ताक अली ट्रफीको एक खेलका क्रममा एन्टी डोपिङ जाँचका लागि पिसाबको नमूना दिएका थिए जसमा टर्बुटालाइन पाइएको छ । शाले आरोेप स्विकारे पनि जानीबुझी नभई खोकीको कफ सिरपको रुपमा खाएको बताएका छन् ।