मूल्यवृद्धिको विरोधमा निर्माण व्यवसायी महासंघको धर्ना

काठमाडौं,८ वैशाख ।
नेपाल निर्माण व्यवसायी महासंघले निर्माण सामग्रीहरूको मुल्यवृद्धि भएको विरोधमा मुल्यवृद्धि निर्देशिका भाग – २ ल्याउन मागसहित धर्ना शुरु गरेको छ।
बिहीबार महासंघले बिहान ११ बजेदेखि १२ बजेसम्म कार्यालयमा धर्ना दिएको थियो । महासंघका अध्यक्ष रवि सिंहले निर्माण सामग्रीको अप्रत्यासित रूपमा मुल्यवृद्धि हुँदा निर्माणको काम अगाडि बढाउन नसकिएको बताउनुभयो ।
निर्माणको काम अगाडि बढाउनका लागि सरकारले अविलम्ब मुल्यवृद्धि निर्देशिका भाग–२ ल्याउनुपर्ने उहाँको भनाइ थियो । नभए निर्माण होलिडे मनाएर मूल्य स्थिर नहोउन्जेल निर्माण कार्य रोक्ने उहाँले बताउनुभयो ।