चितवनमा पालिकासहित ९८ वटै वडामा सत्ता गठबन्धनको भागबन्डाको सहमति

काठमाडौं,११ बैशाख ।
चितवनमा सत्ता गठवन्धनले पालिकासहित ९८ वटै वडामा भागबन्डाको सहमति गरेका छन् । कांग्रेस चितवनका सभापति राजेश्वर खनालले जिल्लाका ९८ वटै वडामा भागबन्डा सहमति गरिएको जानकारी दिनुभयो । ती दलहरूले अब आआफ्नो भागमा परेका वडामा उम्मेदवारको टुंगो दलीय हिसाबले लगाउने जनाएका छन् ।
नेपाली कांग्रेसले जिल्लाका ५८, नेकपा (माओवादी केन्द्र )ले २६ र नेकपा (एकीकृत समाजवादी) ले १३ वटा वडाध्यक्ष पाउने सहमति गरिएको छ । तर, राष्ट्रिय जनमोर्चा र जनता समाजावादी दललाई भने गठवन्धनका ठूला दलले वडाध्यक्ष दिएका छैनन् ।
नेपाली कांग्रेसले भरतपुर महानगरपालिकामा सबैभन्दा बढी २० वटा वडाध्यक्ष भएको छ । उसले १, २, ३, ४, ५, ६, ७, ८, १०, १४, १५, १६, १७, १८, १९, २०, २१, २३, २७ र २९ नम्बर वडामा उम्मेदवारी दिने भएको छ ।