पार्टीको निर्णय प्रधानमन्त्रीले नमाने परिणाम राम्रो नहुने नेता खनालको भनाई

काठमाडौं, ११ असार ।
नेकपा एकीकृत समाजवादीका सम्मानित नेता झलनाथ खनालले पार्टीले गरेको निर्णय प्रधानमन्त्रीले कार्यन्वयन नगरे त्यसको परिणाम राम्रो नहुने बताउनुभएको छ । पोलिटब्युरो बैठकपछि सञ्चारकर्मीसँग कुरा गर्दै पार्टीको निर्णय प्रधानमन्त्रीले कार्यन्वयन गरेर मन्त्री हेरफेर गर्नुपर्ने बताउनु भएको हो ।
‘मन्त्री फेर्ने विषयमा पार्टी सचिवालयले निर्णय गरी सकेको छ । त्यसलाई पार्टी स्थायी कमिटीले अनुमोदन गरिसक्यो । पोलिटब्युरोले त्यस विषयमा केही गरेन । केन्द्रीय कमिटीले अनुमोदन गर्ने छ’ खनालले भन्नुभयो । अहिलेको मन्त्री हेरफेर गर्ने परिस्थिति पार्टीका लागि चुनौतिपूर्ण बन्न पुगेको खनालले बताउनुभयो । प्रधानमन्त्रीसहित गठबन्धनले समेत एकीकृत समाजवादीको निर्णय कार्यान्वयनमा सघाउनु पर्ने खनालको भनाई थियो ।