पहिरोमा स्काभेटरसहित चालक पुरिए

श्रावण १७ ।  सिरानचोक गाउँपालिका–१ केराबारीमा शुक्रबार बिहान पहिरोमा परी स्काभेटरसहित चालक पुरिएका छन् । जिल्लाको गुप्चेखोलामा बाटो खन्दै गरेको स्काभेटर पहिरोमा पुरिएको हो । सिन्धुपाल्चोकको मेलम्ची घर भएका चालक रमेश तामाङसहित स्काभेटरलाई माथिबाट खसेको माटोको ढिस्कोले पुरेकोले प्रहरीले जनाएको छ । प्रमुख प्रहरी उपरीक्षक ओमप्रसाद अधिकारीका अनुसार घटनास्थलबाट तामाङको उद्धार प्रयास भइरहेको छ।