पछिल्लो २४ घण्टामा देशभर ६ सय ३४ जनामा कोरोना सङ्क्रमण पुष्टि

काठमाडौं, ०७ भाद्र ।
नेपालमा कोभिड–१९ को सङ्क्रमणबाट थप १ जना सङ्क्रमितको मृत्यु भएको छ । योसँगै हालसम्म महामारीमा ज्यान गुमाउनेको सङ्ख्या ११ हजार ९ सय ९४ पुगेको छ । स्वास्थ्य तथा जनसङ्ख्या मन्त्रालयका अनुसार देशभर थप ६ सय ३४ जनामा सङ्क्रमण पुष्टि भएको छ । ४ हजार ९ सय ४९ जनाको परीक्षण गर्दा पीसीआर विधिबाट ३ सय ४३ तथा एन्टीजेन विधिबाट २ सय ९१ जनामा सङ्क्रमण पुष्टि भएको हो । पछिल्लो २४ घण्टामा ४ सय १७ जना सङ्क्रमणमुक्त पनि भएका छन् । योसँगै देशभर सक्रिय सङ्क्रमितको सङ्ख्या ४ हजार २ सय २१ पुगेको छ । त्यस्तै, १६ हजार ६ सय ५३ जनाले कोरोनाविरुद्धको खोप पनि लगाएका छन् ।